Lionsklúbbur Mosfellsbæjar – Við leggjum lið

Verið velkomin á nýja vefsíðu Lionsklúbbs Mosfellsbæjar! Síðan er enn í vinnslu og enn verið að þróa viðmót og leiðakerfi síðunnar.
Við þökkum biðlundina og hvetjum ykkur til að fylgjast með okkur hér

Við leggjum lið

Lionsklúbbur Mosfellsbæjar var stofnaður 18. mars 1965 og verður því 60 ára, árið 2025.
Í klúbbnum eru hátt í 30 félagar og alltaf pláss fyrir þá sem vilja leggja sitt af mörkum til samfélagsins
og eru reiðbúnir að taka þátt í því sem Lionshreyfingin, Lions International, stendur fyrir.

Viltu kynna þér starfið hjá okku?

Herrakvöld 2026

Herrakvöld Lionsklúbbs Mosfellsbæjar 2026 fer fram föstudaginn 13. febrúar n.k. í Hlégarði.
Herrakvöldið er fyrir löngu orðið fastur liður í starfi Lionsklúbbs Mosfellsbæjar og hefur um árabil verið stærsta fjáröflun klúbbsins.

MUGISON - slær á létta strengi
Glæsilegt sjávarréttahlaðborð
Málverkauppboð
Happdrætti

Herrakvöldið er fjáröflunarkvöld fyrir hjálparsjóð klúbbsins, öll framlög úr sjóðnum renna til brýnna góðgerðarmála

Fréttir af klúbbstarfinu

Herrakvöld 2026 – Lionsklúbbur Mosfellsbæjar

Herrakvöld Lionsklúbbs Mosfellsbæjar 2026 fer fram föstudaginn 13. febrúar n.k. í Hlégarði.
Herrakvöldið er fyrir löngu orðið fastur liður í starfi Lionsklúbbs Mosfellsbæjar og hefur um árabil verið stærsta fjáröflun klúbbsins.

MUGISON – slær á létta strengi
Glæsilegt sjávarréttahlaðborð
Málverkauppboð
Happdrætti
Herrakvöldið er fjáröflunarkvöld fyrir hjálparsjóð klúbbsins, öll framlög úr sjóðnum renna til brýnna góðgerðarmála

Lesa meira »

2. febrúar 2026 Engar athugasemdir

Útilega í Skógarnesi við Apavatn: samvera, söngur, grill og gleði

Við í Lionsklúbbi Mosfellsbæjar kvöddum sumarið með skemmtilegri útilegu í Skógarnesi við Apavatn, þar sem um fjörutíu manns og þrír hundar tóku þátt í gleðinni. Dagskráin var hefðbundin, m.a. klúbbfundur, golfmót og grillað lambalæri að hætti Kidda. Veðrið lék við okkur, sérstaklega framan að og var mikil stemmning fram á nótt. Sunnudagurinn var rólegri og fór að mestu í frágang, einhverja fiskiveiði og gott spjall. Við þökkum öllum sem tóku þátt, sérstaklega Lionsklúbbnum Úu, fyrir að halda í heiðri með okkur þessari dýrmætu hefð. Kíktu á fréttina til að lesa meira um þessa frábæru helgi!

Lesa meira »

5. september 2025 Engar athugasemdir

Verkefnin

Verkefnin sem Lionsklúbbur Mosfellsbæjar hefur lagt lið í 60 ára sögu klúbbsins, eru æðimörg og fjölbreytt.

Á myndinni hér til hliðar má sjá þegar þáverandi formenn Lkl. Mosfellsbæjar og Lkl. Úu afhentu forstöðumanni Reykjadals þessa hjólastólarólu, árið 2017. Rólan hefur komið sér vel og veitt mörgum gleði sem hafa dvalist í Reykjadal.

Eitt stærsta verkefni sem nokkur klúbbur hér á landi, og þó víðar væri leitað, hefur ráðist í og lokið við, var þegar Lionsklúbbur Mosfellsbæjar réðist í byggingu Dvalarheimilis aldraðra í Mosfellsbæ, fyrsta áfanga. Peningasöfnun klúbbsins til verkefnisins hófst upp úr 1970 og fyrsta skóflustungan var tekin 26. nóvember 1976. Verkinu tókst að ljúka farsællega og þann 12. júlí 1980 var húsið afhent Mosfellsbæ fullbúið.
Árið eftir unnu klúbbfélagar svo við standsetningu lóðarinnar umhverfis húsið.

Af öðrum verkefnum í gegnum tíðina má m.a. nefna verðlaunagripi vegna sundmóts á 17. júní í mörg ár, styrki til flestra deilda Ungmennafélagsins Aftureldingar, stuðning við Skálatúnsheimilið, Björgunarsveitina Kyndil, Skólalúðrasveit Mosfellsbæjar, hreinsun og fegrun umhverfisins í Mosfellsbæ, trjárækt, sölu Rauðrar fjaðrar, vímuvarnaverkefni, Lions Quest, þorrablót aldraðra og framlög í alþjóðahjálparsjóð Lionshreyfingarinnar(LCIF).

Ekki má heldur gleyma Endurhæfingarstofnuninni að Reykjalundi sem ávallt hefur skipað sérstakan sess í hugum klúbbfélaga.

Of langt mál væri að telja hér upp öll þau verkefni sem klúbburinn hefur sinnt gegnum árin og látum við hér staðar numið.

En með tíð og tíma vonumst við þó til að á þessari vefsíðu takist okkur að byggja upp gott stafrænt safn um sögu klúbbsins.